USS Gettysburg հածանավը ժամանել է Կարիբյան ծով՝ ուժեղացնելով այնտեղ գտնվող ամերիկյան զինված ուժերի մեծ զորակազմը․ գրում է The War Zone-ը։
Կարիբյան ծովում՝ Վենեսուելայի ափերի մոտ, արդեն գործում է մեկ հածանավից, երեք ականակիրից, առափնյա պահպանության մարտական նավից և միջուկային հարձակողական սուզանավից բաղկացած զորակազմ։ Նավերից յուրաքանչյուրը և սուզանավը կրում են «Tomahawk» թևավոր հրթիռներ։ Բացի այդ, շրջանում է գտնվում նաև 3000 ծովային հետևակ տեղափոխող երեք խոշոր դեսանտային նավերից բաղկացած խումբ։
Հոկտեմբերի 24-ին ԱՄՆ ռազմական նախարար Փիթ Հեգսեթը հրամայել էր USS Gerald Ford ավիակիր նավը Միջերկրական ծովից, որտեղ այն առաքելություն էր իրականացնում, վերաուղղորդել դեպի Լատինական Ամերիկայի ափեր: Հարվածային խումբը ներառում է մեկ հածանավ և երկու ականակիր:
Ամերիկացի բարձրաստիճան զինվորականը The War Zone-ին ասել է, որ տեղյակ չէ Վենեսուելայի դեմ պատրաստվող ամերիկյան որևէ գործողության մասին: