Մեծ Բրիտանիայի պաշտպանության նախարար Ջոն Հելին իր առաջին հեռախոսազրույցն է ունեցել իր նոր ամերիկացի գործընկեր Փիթ Հեգսեթի հետ։ Այս մասին հայտնում է բրիտանական Sky News հեռուստաալիքը, որի համաձայն՝ նախարարները քննարկել են Ուկրաինայում տիրող իրավիճակը։
Հեռուստաալիքը վկայակոչում է երկու աղբյուրների խոսքերը, որոնք հաստատել են, որ պաշտպանության գերատեսչությունների ղեկավարների խոսակցությունն արդեն կայացել է, թեև այդ մասին դեռ պաշտոնապես չի հաղորդվել։ Նրանց խոսքով, զրույցի ընթացքում, ի թիվս այլ հարցերի, քննարկվել է «մարտական գործողությունների համար պատրաստվածության բարձրացման» և «ուժի միջոցով խաղաղության հասնելու» անհրաժեշտությունը։
Կողմերը քննարկել են նաև ազատությանն ու ժողովրդավարությանը սպառնացող սպառնալիքները։
Հեյլին նաև իր ցավակցություններն է հայտնել Հեգսեթին հունվարի 29-ին տեղի ունեցած ավիավթարից հետո, երբ American Airlines-ի մարդատար ինքնաթիռը և ԱՄՆ բանակի Black Hawk ուղղաթիռը բախվել են Վաշինգտոնի երկնքում: