Միացյալ Նահանգները կարող է հարկադրված լինել «շուտով» հարձակվել Իրանի վրա, եթե չկարողանա արագ արդյունքների հասնել Թեհրանի միջուկային ծրագրի դադարեցման բանակցություններում, գրել է Իրանի հարցերով ԱՄՆ հատուկ ներկայացուցչի նախկին տեղակալ Ռիչարդ Նեփյուն՝ Foreign Affairs ամսագրի հոդվածում:
«Հաշվի առնելով ռազմական գործողությունների հետ կապված ռիսկերը՝ Միացյալ Նահանգները պետք է բարեխղճորեն վերջին փորձը կատարի՝ Թրամփի վարչակազմի սկզբում Թեհրանի միջուկային ծրագրի դադարեցման շուրջ բանակցություններ վարելու համար:
Բայց եթե Միացյալ Նահանգները պատրաստ չեն ապրել մի աշխարհում, որտեղ Իրանը միջուկային զենք ունի, ապա նրանք կարող են այլ ելք չունենալ, քան հարձակվել Իրանի վրա»,- ասել է Նեփյուն։
Նախկին պաշտոնյայի խոսքով՝ Միացյալ Նահանգները բազմաթիվ պատճառներ ունի խնդիրը դիվանագիտական ճանապարհով լուծելու համար, քանի որ, ըստ նրա, ամերիկացի պաշտոնյաները վստահ չեն Իրանի վրա հնարավոր զինված հարձակման հաջող ելքին։