ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու հանդիպումից հետո Իտալիայի վարչապետ Ջորջիա Մելոնին եվրոպացիներին կոչ է արել թույլ չտալ, որ Վաշինգտոնի հետ տարաձայնությունները խորանան և ասել, որ Հռոմը կոչ կանի ԵՄ-ԱՄՆ գագաթնաժողով անցկացնել առաջիկա ժամերին, հայտնում է Politico-ն։
«Անհրաժեշտ է անհապաղ գագաթնաժողով ԱՄՆ-ի, եվրոպական պետությունների և դաշնակիցների միջև, որպեսզի անկեղծ խոսակցություն լինի այն մասին, թե ինչպես ենք մենք մտադիր լուծել մեր ժամանակի լուրջ մարտահրավերները՝ սկսած Ուկրաինայից, որին մենք միասին պաշտպանել ենք վերջին տարիներին», – մեջբերում է պարբերականը Մելոնիի խոսքերը։
Հաղորդվում է, որ մի քանի եվրոպացի առաջնորդներ մտադիր են կիրակի օրը հանդիպել Լոնդոնում՝ Մեծ Բրիտանիայի վարչապետ Քիր Սթարմերի հրավերով, որին ակնկալվում է, Զելենսկին կմիանա: