Stripe-ը տենդերի առաջարկ է արել իր աշխատակիցներին և բաժնետերերին, որի արդյունքում վճարային ծառայությունների հսկայի համալիր արժեքը գնահատվել է 91.5 միլիարդ դոլար, մոտենալով 2021-ին ընկերության գրանցած ամենաբարձր գնահատմանը, որը կազմել էր 95 միլիարդ դոլար։
Stripe-ը և ներդրողները կվերագնեն ընկերության բաժնետոմսերը՝ ներկա և նախկին աշխատակիցներին տալով լիկվիդայնության հնարավորություն։
Այս գնահատման արդյունքում Stripe-ի համալիր արժեքը 2023թ․-ի մարտին տեղի ունեցած ֆինանսավորման շրջափուլին ստացած 50 միլիարդ դոլար գնահատումից կրկին մոտեցել է 2021-ին գրանցած ամենաբարձր գնահատմանը։
Տենդերի առաջարկի մասին նորությունը հայտնի է դարձել այն ժամանակ, երբ Stripe-ը հրապարակել է իր տարեկան նամակը, որում ընկերությունը նշել է, որ 2024թ․-ին կատարված վճարումների ընդհանուր ծավալը հասել է 1․4 տրիլիոն դոլարի՝ գրանցելով 38% աճ նախորդ տարվա համեմատ և կազմելով համաշխարհային ՀՆԱ-ի 1․3%-ը։
Համահիմնադիրներ Պատրիկ և Ջոն Քոլիսոնները այս աճը վերագրում են իրենց՝ ԱԲ-ում կատարած երկարաժամկետ ներդրումներին, որոնք «շարունակում են փոխհատուցել՝ ավելացնելով ներկա հաճախորդների եկամուտները, խրախուսելով ավելի շատ բիզնեսների միանալ Stripe-ին և օգնելով նոր ընկերություններին հասնել էական հաջողությունների և ընդլայնվել անհամեմատ ավելի արագ ու կարճ ժամանակահատվածում»։