Չինաստանի զինված ուժերը երեքշաբթի օրը սկսել են համալիր զորավարժություններ անցկացնել Թայվան կղզու շուրջ։ Այս մասին հայտարարել է Ժողովրդա-ազատագրական բանակի (ԺԱԲ) Արևելյան գոտու մարտական հրամանատարության պաշտոնական ներկայացուցիչ Շի Յին։
Ինչպես նշված է WeChat սոցիալական ցանցում ռազմական շրջանի էջում հրապարակված նրա հայտարարության մեջ, ներգրավված են ցամաքային, հրթիռային և ռազմածովային ուժերը։
«Սա լուրջ նախազգուշացում է և հզոր զսպող միջոց Թայվանի անկախության կողմնակից անջատողական ուժերի համար»,-ասել է Շի Յին։