Բեռլինը պաշտոնապես ներողություն է խնդրել Ադրբեջանից՝ Գերմանիայի նախագահի պաշտոնական սոցիալական էջում օկուպացված Արցախի Հանրապետության դրոշի պատկերը և ուղեկցող տեքստը հրապարակելու համար։
Միջադեպը լուրջ դժգոհություն էր առաջացրել Բաքվում։ Դրանից անմիջապես հետո կապեր են հաստատվել երկու երկրների նախագահական վարչակազմերի և արտաքին գործերի նախարարությունների միջև։ Գերմանական կողմը ընդունել է, որ հրապարակումը «սխալմամբ» է տեղադրվել և անհապաղ հեռացրել է այն։
Գերմանիայի նախագահի աշխատակազմի ղեկավար, պետքարտուղար Դյորտե Դինգերը Ադրբեջանի նախագահի օգնական Հիքմեթ Հաջիևից ներողություն է խնդրել։
Գերմանական կողմը ափսոսանք է հայտնել տեղի ունեցածի կապակցությամբ և ընդգծել, որ հրապարակումը տեխնիկական սխալի արդյունք է։