Իրան կ՛աջակցի Հայաստան-Ազրպէյճան խաղաղութեան համաձայնագիրին: Այս մասին ըսած է Իրանի արտաքին գործոց նախարարութեան բանբեր Իսմայիլ Պաղայի:
«Հայաստանի եւ Ազրպէյճանի Հանրապետութեան հարցի վերաբերեալ մենք միշտ ընդգծած ենք երկու երկիրներուն միջեւ խաղաղութեան հոլովոյթին աջակցելու անհրաժեշտութիւնը եւ խրախուսած ենք երկու կողմերն ալ կարելի եղածին չափ շուտ ստորագրել խաղաղութեան համաձայնագիրը:
«Հարաւային Կովկասի շրջանին մէջ խաղաղութիւնն ու կայունութիւնը Իրանի իսլամական հանրապետութեան համար ռազմավարական նշանակութիւն ունին:
«Մենք լաւ եւ հաւասարակշռուած յարաբերութիւններ ունինք երկու երկիրներու` Հայաստանի եւ Ազրպէյճանի հետ», ըսած է Պաղայի: