Շվեդիայի վարչապետ Ուլֆ Քրիստերսոնը կոչ է արել Եվրամիությանը դադարեցնել Իսրայելի հետ Ասոցացման համաձայնագրի առևտրային բաղադրիչը՝ Գազայի հատվածում ստեղծված իրավիճակի ֆոնին:
X-ի իր էջում Քրիստերսոնը նշել է, որ Գազայի հատվածում իրավիճակը սարսափելի է, իսկ Իսրայելը չի կատարում արտակարգ օգնություն ցուցաբերելու ամենահիմնական պարտավորություններն ու պայմանավորվածությունները: Նրա խոսքով՝ Իսրայելի նկատմամբ տնտեսական ճնշումը պետք է ուժեղացվի:
Միևնույն ժամանակ նա ընդգծել է նաև ՀԱՄԱՍ-ի վրա ևս ճնշումն ուժեղացնելու անհրաժեշտությունը։