Անգլիոյ ախոյեան Լիվըրփուլ բարեկամական մրցումի մը ընթացքին 3-1 արդիւնքով պարտութեան մատնեց Ճափոնի Եոքոհամա Մարինոս խումբին, Նիսանի դաշտին մէջ (Եոքոհամա, Ճափոն):
67 հազար հանդիսատեսներու ներկայութեան, Լիվըրփուլ միայն բերդապահը չփոխարինեց այս մրցումին:
Լիվըրփուլի շապիկով իր առաջին կոլը նշանակեց գերմանացի Ֆլորիան Վիրց, Սալահի փոխանցումէն ետք (62-րդ վայրկեանին):
Թրէյ Նիոնի (18 տարեկան) եւ Ռիօ Էնկումոհա (16 տարեկան) նշանակեցին Լիվըրփուլի 2-րդ եւ 3-րդ կոլերը:
Լիվըրփուլ երկուշաբթի իր վերջին բարեկամական փորձ-մրցումը պիտի կատարէ Աթլեթիք Պիլպաոյի դէմ, որմէ ետք տարեշրջանը կը սկսի «Քոմիւնիթի շիլտ» (գերբաժակ) մրցումով, որ տեղի պիտի ունենայ Ուեմպլիի մէջ, 10 օգոստոսին, Քրիսթըլ Փելեսի դէմ: Նշենք, որ Փելես շահած էր «Էֆ.Էյ.Քափ»-ը անցեալ մայիսին, անակնկալի բերելէ ետք Մանչեսթըր Սիթին (1-0):