Իսրայելի զինվորականները պատրաստ են շարունակել արմատական պաղեստինյան ՀԱՄԱՍ շարժման առաջնորդների նպատակային ոչնչացումը, այդ թվում՝ այլ երկրներում։ Այս մասին հայտարարել է Իսրայելի պաշտպանության ուժերի գլխավոր շտաբի պետ Էյալ Զամիրը՝ մեկնաբանելով Գազայիում ՀԱՄԱՍ-ի ռազմական թևի խոսնակ Աբու Ուբեյդայի ոչնչացումը, հայտնել է ՏԱՍՍ-ը։
«Երեկ Գազայի հատվածում մենք հարձակվեցինք Համասի ամենաբարձրաստիճան առաջնորդներից մեկի՝ Աբու Ուբեյդայի վրա, այն բանից հետո, երբ Համասի ղեկավարության մեծ մասն արդեն վերացվել էր։ Մեր գործողությունները դեռ չեն ավարտվել, Համասի մնացած առաջնորդների մեծ մասը գտնվում է արտասահմանում, և մենք կհասնենք նաև նրանց», – ասել է Զամիրը։
Զինվորական հրամանատարը հավելել է, որ բանակը չի դադարեցնում Գազայի հատվածից մնացած բոլոր իսրայելցի պատանդներին փրկելու իր փորձերը։
«Մենք կշարունակենք վճռականորեն գործել նրանց վերադարձնելու համար, և մենք չենք խնայի ոչ մի ջանք այս հարցում, սա մեր բարոյական խնդիրն է», – նշել է նա։
