ՀԱԿ վարչության անդամ Տաթև Զորյանը ֆեյսբուքյան իր էջում գրել է․ «Այսօր լրանում է Առաջին Նախագահի հայտնի հոդվածի հրապարակման 28-րդ տարին։ Արցախյան հակամարտության թեմայով երբևէ գրված ամենածանրակշիռ, փաստարկված և գաղափարահեն վերլուծությունը։
Հետագա տարիները, ցավոք, ցույց տվեցին, որ ո՛չ հասարակությունը, ո՛չ քաղաքական ուժերը (այդ թվում՝ հայտնի շրջանակները) պատրաստ չեղան ընդունել մեր ժողովրդի ամենացավոտ հիմնահարցի լուծման հնարավոր ուղիների շուրջ հրապարակային և բովանդակային բանավեճ ծավալելու Տեր-Պետրոսյանի առաջարկը։ Չձևակերպվեց նաև հիմնախնդրի լուծման այլընտրանքային մոտեցում՝ առաջին նախագահի առաջարկած լուծման տարբերակը նույնիսկ տարիների հեռվից թողնելով Հայաստանի և Արցախի համար միակ իրատեսականը։
Պատահական ընտրված չէր նաև հոդվածի վերնագիրը. պատերազմ թե խաղաղություն կոնցեպտը քաղաքական (և ոչ միայն) առումով դարձավ ղարաբաղյան շարժման շուրջ երեսնամյա պատմության խորագիրը»։