Թրամփի վարչակազմի և Վենեսուելայի նախագահ Նիկոլաս Մադուրոյի միջև բանակցությունները մտել են փակուղի երեք հարցի պատճառով, հաղորդում է Miami Herald-ը՝ հղում անելով աղբյուրներին։
Աղբյուրներից մեկի համաձայն՝ Մադուրոն խնդրել է «լիարժեք և համապարփակ համաներում»։
«Երկրորդ՝ նրանք խնդրել են պահպանել զինված ուժերի վերահսկողությունը», – հավելել է նա։
Երրորդ հարցը Վենեսուելայում ռեժիմի փոփոխությունն է։ Վաշինգտոնը պնդել է Մադուրոյի անհապաղ հրաժարականի վրա, սակայն Կարակասը հրաժարվել է։
Նախորդ օրը CNN-ը հայտնել էր, որ Մադուրոն ընդունել է իր հրաժարականի հնարավորությունը։
Հեռուստաալիքի տվյալներով՝ որոշ ամերիկացի պաշտոնյաներ Վենեսուելայի առաջնորդի առաջարկած սցենարը դիտարկել են որպես ճգնաժամից դուրս գալու հնարավոր ելք, սակայն Սպիտակ տունը որոշել է հասնել Մադուրոյի անհապաղ հրաժարականին։
CNN-ի աղբյուրները նաև նշել են, որ Մադուրոն և նրա գործընկերները մի քանի ալիքներով կապ են հաստատել Սպիտակ տան հետ և այժմ ամերիկյան կողմի հետ քննարկում են, թե ինչպիսի համագործակցություն կարող է ենթադրել երկու երկրների միջև։