Դեռ կան դժվար հարցեր, որոնց վրա պետք է աշխատել։ APA-ի փոխանցմամբ՝ այս մասին հայտարարել է Ուկրաինայի նախագահ Վլադիմիր Զելենսկին՝ ամփոփելով ուկրաինական և ամերիկյան պատվիրակությունների հանդիպումը։
«Մեր ներկայացուցիչները մոտակա օրերին կվերադառնան Եվրոպա, և նրանց հետ քննարկումներից և բանակցությունների վերաբերյալ ամբողջական զեկույցից հետո մենք կորոշենք մեր հաջորդ քայլերը։ Այսօր նախատեսված են բանակցություններ Եվրոպայում մեր ընկերների հետ։ Դա շատ լարված օր է լինելու։ Մեր առաջնահերթություններն են դիվանագիտությունը, պաշտպանությունը և էներգետիկան», – նշել է Ուկրաինայի առաջնորդը։