ԵՐԵՎԱՆ, ԴԵԿՏԵՄԲԵՐԻ 30, 24News
«Ձերբակալվել է նաև Վաղարշապատում «Հայրենիք» կուսակցության պատասխանատու, Վաղարշապատի ավագանու ընտրությունների համամասնական ցուցակի 2-րդ համարում ներկայացված Արամ Քոչարյանը, նրան էլ են տանում կալանքի»,- այս մասին հայտնում է «Հայրենիք» կուսակցության մամուլի պատասխանատու Հռիփսիմե Առաքելյանը։
Առաքելյանի խոսքով, այլևս ոչ մի հարց չի ծագում, թե ինչու հնարավոր չէ այս «բեսպրեդելի» մեջ արդարություն փնտրել:
Հիշեցնենք՝ ավելի վաղ հայտնել էինք՝ ձերբակալել են «Հայրենիք» կուսակցության գլխավոր քարտուղար Խաչիկ Գալստյանին։ Կուսակցության ղեկավար Արթուր Վանեցյանը սա որակել է որպես քաղաքական հետապնդում։