«Եթե փորձենք ժամանակագրային նայել իրադարձությունները, կտեսնենք՝ Սամվել Կարապետյանին ձերբակալում են, այնուհետև կալանավորում, դրան հաջորդում են նոր իրադարձություններ. այս պահի դրությամբ ԱԱԾ նկուղ համարվող «Երևան-Կենտրոն» ՔԿՀ-ում գտնվում են Միքայել, Բագրատ, Արշակ Սրբազանները: Բոլորի մասով կալանքն ակնհայտորեն ապօրինի է: «Նուբարաշեն» ՔԿՀ-ում գտնվում է Արագածոտնի թեմի առաջնորդ Մկրտիչ Սրբազանը»,- «5-րդ ալիք»-ի եթերում ասել է փաստաբան Արամ Վարդևանյանը՝ ընդգծելով, որ պատահական չէ, որ Սրբազանների ձերբակալությունը տեղի ունեցավ Սամվել Կարապետյանին ձերբակալելուց հետո: «Այս ամենը կարծես մի հրեշավոր ծրագրի մեկնարկային կետերից էր, որում իրական խոչընդոտ էր Սամվել Կարապետյանը»,- հավելել է նա: