ԵՄ-ն «սարսափելի և ողբերգական» ռազմավարություն է ընտրել Ուկրաինայի հակամարտության նկատմամբ, իսկ եվրոպական պատժամիջոցները ոչնչացրել են ԵՄ-ի և Ռուսաստանի հարաբերությունները։ Նման կարծիք է հայտնել Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։
«Հարյուր միլիարդավոր եվրոներ են վճարվել ուկրաինացիներին, հարյուր միլիարդավոր եվրոյի զենք է ուղարկվել ուկրաինացիներին։ Եվ ո՞րն է արդյունքը. Ռուսաստանը առաջ է շարժվում, իսկ Ուկրաինան նահանջում է», – նշել է գերատեսչության ղեկավարը El Debate թերթին տված հարցազրույցում։
Սիյարտոն կարծում է, որ հակամարտության միակ լուծումը կարելի է գտնել բանակցությունների սեղանի շուրջ։ Նա հույս է հայտնել, որ ԱՄՆ նախագահ Դոնալդ Թրամփը կկարողանա «փոխել կուրսը և ինչ-որ համաձայնության գալ»։