Գազայի հատվածում փրկարարները վերջին 24 ժամվա ընթացքում փլատակներից դուրս են բերել 24 դի և տեղափոխել բժշկական հաստատություններ։ Նման տվյալներ է հրապարակել Պաղեստինի անկլավի առողջապահության նախարարությունը Telegram-ի իր ալիքում։
Դրա տվյալներով՝ վերջին 24 ժամվա ընթացքում անկլավի հիվանդանոցներն, ընդհանուր առմամբ, ընդունել են «27 զոհվածների, որոնցից 24-ը դուրս են բերվել փլատակներից»։
Գերատեսչությունում ընդգծել են, որ 2023 թվականի հոկտեմբերից, թարմացված տվյալների համաձայն՝ զոհվել է 47 487 մարդ, ևս 111 588-ը տուժել է։