ԱՄՆ Դեմոկրատական կուսակցության ներկայացուցիչները մտադիր են տարբեր հնարքներով հետաձգել ԱՄՆ ընտրված առաջնորդ Դոնալդ Թրամփի թիմի կողմից նոր վարչակազմում բարձր պաշտոններ զբաղեցնելու համար առաջադրված թեկնածուների հաստատման գործընթացը։
ԱՄՆ վարչակազմում բարձր պաշտոնների թեկնածուները, այդ թվում՝ գերատեսչությունների ղեկավարները և արտերկրում ԱՄՆ դեսպանները, պետք է հաստատվեն Կոնգրեսի Սենատի կողմից։
«Կոնգրեսի Սենատի դեմոկրատները պատրաստվում են անպատշաճ կերպով հետաձգել մեր գերազանց թեկնածուներից շատերի հաստատման գործընթացը պետական պաշտոնի համար: Նրանք շուտով կսկսեն փորձել տարբեր հնարքներ կիրառել: Հանրապետականները չպետք է թույլ տան, որ դա տեղի ունենա»,-գրել է Թրամփը Truth Social-ում:
Հանրապետականը չի հստակեցրել, թե ինչ հնարքների են պատրաստվում գնալ դեմոկրատները, որպեսզի ազդեն հաստատման գործընթացի վրա: