Ավելի քան մեկ միլիոն մարդ Պուերտո Ռիկոյում առանց էլեկտրականության է մնացել կղզու էլեկտրակայաններից մեկում տեղի ունեցած վթարի հետևանքով, հայտնում է Primera Hora տեղական հրատարակությունը։
Հրատարակության տվյալներով՝ վթարը տեղի է ունեցել առավոտյան։
«Առավոտյան ժամը 8.05-ին առանց էլեկտրաէներգիայի մնացած բաժանորդների թիվը կազմել է 1 284 653 մարդ, ինչը կազմում է ընդհանուր բաժանորդների 87,50%-ը՝ 1 468 223 մարդ»,- նշում է հրատարակությունը։
Տեղական LUMA Energy ընկերությունը հաստատել է անջատումը X-ի պրոֆիլում և նշել, որ աշխատանքներ են տարվում խնդիրը շտկելու համար:
Մեկ այլ պուերտոռիկական Nuevo Dia թերթը, հղում անելով Genera PR-ի մեկ այլ էներգետիկ ընկերության ներկայացուցիչ Իվան Բաեզին, հայտնում է, որ, ըստ նախնական տեղեկությունների, վթարի պատճառը եղել է LUMA Energy 230 հազար վոլտ բաշխիչ կայանի խափանումը, որն առաջացրել է շղթայական ռեակցիա։ Դրանից հետո կղզու մի քանի էլեկտրակայաններ խափանվել են։
Տեղական LUMA Energy ընկերությունը ավելի ուշ հայտարարել է, որ էլեկտրաէներգիայի վերականգնման համար կպահանջվի 24-ից 48 ժամ: