Կոլումբիայում պրասի մեջ թաքցրած ավելի քան 5 տոննա կոկաին են հայտնաբերել, հայտնել է երկրի նախագահ Գուստավո Պետրոն։
Ինչպես նշել է պետության ղեկավարը, թմրանյութի նման քանակություն է առգրավվել տեղի իրավապահ մարմինների կողմից թմրամիջոցների ապօրինի շրջանառություն իրականացնող «Ծոցի կլան» կազմակերպության դեմ գործողության շրջանակում։
«Հարված «Ծոցի կլանի» համար: Մոտ 5,7 տոննա կոկաին է հայտնաբերվել Ակապուլկոյի մերձակայքում բաց ծովում և պանամական նավի վրա բանանի տուփերում շարված պրասի մեջ»,- ասվում է Պետրոյի հայտարարության մեջ:
Նախագահը հավելել է, որ «Ծոցի կլանի» դեմ պայքարի շրջանակներում ոչնչացվել են նաև Կոլումբիայի Անտիոկիա նահանգում ոսկու ապօրինի արդյունահանման համար նախատեսված էքսկավատորներ։