Հրեա վերաբնակիչները 2024 թվականին նոր ռեկորդ են սահմանել Հորդանան գետի Արևմտյան ափին և Արևելյան Երուսաղեմում պաղեստինցիների վրա հարձակումներում: Այս մասին հայտնում է WAFA լրատվական գործակալությունը՝ վկայակոչելով ՄԱԿ-ի հումանիտար հարցերի համակարգման գրասենյակի զեկույցը։
«Վերաբնակիչները 2024 թվականի ընթացքում ներգրավված են եղել պաղեստինցի խաղաղ բնակիչների նկատմամբ բռնության շուրջ 1400 միջադեպերի մեջ Հորդանան գետի Արևմտյան ափում, ներառյալ Արևելյան Երուսաղեմը», – նշվում է փաստաթղթում։
Այս միջադեպերը ներառել են հարձակումներ, հրկիզումներ և ներխուժումներ պաղեստինյան համայնքներ, ինչպես նաև գյուղատնտեսական հողերի վնաս և տեղական ունեցվածքի ոչնչացում:
Գործակալությունը հիշեցրել է, որ 2023 թվականի հոկտեմբերի 7-ից Իսրայելի գործողությունների հետևանքով Գազայի հատվածում սպանվել և վիրավորվել է մոտ 160 հազար պաղեստինցի, որոնց մեծ մասը կանայք և երեխաներ են։ Միևնույն ժամանակ, վերաբնակիչներն ու զինվորականներն ուժեղացրել են հարձակումները Հորդանան գետի Արևմտյան ափին, ինչի հետևանքով զոհվել է 835 մարդ, իսկ 6 700-ը՝ վիրավորվել։