Բրիտանական The Sun պարբերականը, հղում կատարելով «ռուսական հետախուզության նախկին աշխատակցին», հայտնել է Սիրիայի նախկին նախագահ Բաշար Ասադի դեմ մահափորձի մասին։ Նշվում է, որ երբ 59-ամյա Ասադը դժվարացել է շնչել ու դիմել է բժիշկիների օգնությանը, նրա օրգանիզմում թունավոր նյութ է հայտնաբերվել։
Ներկայումս նրա վիճակը կայուն է։ Ռուսաստանի կառավարության պաշտոնյաները չեն մեկնաբանել այս տեղեկությունը։
Հիշեցնենք՝ Ասադն ապաստան է ստացել Ռուսաստանում։
Блокнот Россия-ն, անդրադառնալով միջադեպին, գրել է, որ դեռ պարզ չէ՝ թունավորումը քաղաքական է, թե խոսքն ընտանեկան կոնֆլիկտի մասին է. նրա կինը փորձել է ամուսնալուծվել և մեկնել Լոնդոն, սակայն Ասադը դեմ է եղել ապահարզանին։