ԱՄՆ նորընտիր նախագահ Դոնալդ Թրամփը հունվարի 20-ին իր երդմնակալության արարողությունից առաջ հանրահավաք կանցկացնի Վաշինգտոնում։ Այս մասին հայտնում է The Washington Post-ը։
Հրատարակության տվյալներով՝ Թրամփը նախատեսում է հունվարի 19-ին իր կողմնակիցների համար «հաղթական հանրահավաք» անցկացնել Capital One մարզահրապարակում, որը նախատեսված է 20 հազար մարդու համար։
Թերթը նշում է, որ սա հանրապետականի առաջին հանրահավաքն է լինելու 2024 թվականի նոյեմբերի 5-ին կայացած նախագահական ընտրություններում հաղթելուց հետո։
Իր հերթին, The Hill թերթն ուշադրություն է հրավիրում այն փաստի վրա, որ սա կլինի Թրամփի առաջին հանրահավաքը ԱՄՆ Կոնգրեսի մետրոպոլիայի տարածքում 2021 թվականի հունվարի 6-ից ի վեր։