Հայաստանում ամեն տարի հարյուրավոր կիլոմետր ճանապարհներ են նորոգվում, որոնք ամիսներ կամ մեկ-երկու տարի անց կրկին նորոգման կարիք ունեն։ Անորակ ճանապարհներ կառուցելով՝ տարիներ շարունակ վատնվում են միլիարդավոր դրամներ պետական և համայնքային բյուջեներից։
«Հետք»-ն ուսումնասիրել է 2018 թ.-ից հետո նորոգված մեկ տասնյակից ավել ճանապարհահատված, որտեղ կրկին փոսեր և ճաքեր են առաջացել, որոշ հատվածներում կարկատաններ են արվել, որոնք նույնպես քանդվել են։ Դիտարկումների և հետազոտությունների արդյունքում պարզել ենք անորակ աշխատանքների պատճառներից մեկը, եթե ոչ գլխավորը։