Բաքվի բանտում պահվող Ռուբեն Վարդանյանի կյանքին սպառնացող վտանգների մասին ահազանգերից հետո Երևանի մի քանի հասցեներում այսօր բողոքի ակցիաներ են կազմակերպվել՝ Բաքվում գտնվող բոլոր հայ ռազմագերիներին ու պատանդներին ազատ արձակելու պահանջով: Քաղաքացիները Հայաստանի իշխանությունից պահանջում են քայլեր ձեռնարկել գերիներին վերադարձնելու համար, միջազգային հանրությունից՝ ճնշում գործադրել Ադրբեջանի վրա ու դատապարտել գերիների խոշտանգումները: Արտգործնախարարության և կառավարության շենքերի դիմաց են մարդիկ հավաքվել, հետո գնացել ՄԱԿ-ի գրասենյակի մոտ՝ բողոքելու միջազգային հանրության հանցավոր լռության և անտարբերության դեմ: