Երևանի քաղաքապետ Տիգրան Ավինյանն ընդունել է Փարաքար համայնքի ղեկավարի պաշտոնակատար Լյուդվիգ Գյուլնազարյանին:
Ինչպես հայտնում են քաղաքապետարանից, գործընկերոջը ներկայացնելով Երևանում նախաձեռնված ծրագրերը՝ քաղաքապետ Ավինյանը նշել է, որ կյանքի կոչվող նախագծերի նպատակը հարմարավետ միջավայրի ապահովումն ու քաղաքացիներին որակյալ ծառայությունների մատուցումն է:
Լյուդվիգ Գյուլնազարյանն իր հերթին նշել է, որ Փարաքարում ևս վերջին տարիներին նախաձեռնվել են կարևոր մի շարք ծրագրեր դպրոցների ու մարզադպրոցների կառուցման, ճանապարհների նորոգման ու բակերի ասֆալտապատման ուղղությամբ:
Երևանի քաղաքապետը պատրաստակամություն է հայտնել աջակցել Փարաքար համայնքին հետաքրքրություն ներկայացնող տարբեր ծրագրերի հարցում: Որպես համատեղ նախագծի իրականացում՝ Լյուդվիգ Գյուլնազարյանը կարևորել է Երևանի փորձը կանաչ գոտիների ստեղծման գործում:
Տիգրան Ավինյանը նշել է, որ Երևանը պատրաստ է տրամադրել արժեքավոր և հասուն ծառատեսակներ, ինչպես նաև ցուցաբերել մասնագիտական օգնություն՝ տվյալ աշխատանքները կատարելու համար:
«Հայկական Ժամանակ»-ը Telegram-ում
Տպել
93 դիտում