Մոսկվայի քաղաքապետ Սերգեյ Սոբյանինը հայտնել է, որ հակաօդային պաշտպանության համակարգերը Մոսկվայի մոտ խոցել են մի քանի տասնյակ ուկրաինական անօդաչու թռչող սարք։
«Արտակարգ ծառայություններն աշխատում են ընկած բեկորների վայրում»,- գրել է նա «Տելեգրամ»-ի իր ալիքում:
Ռուսական ալիքները հայտնում են, որ անօդաչուներից մեկը հարվածել է Մոսկվայի մարզի Վիդնոյե քաղաքի բնակելի շենքին, իսկ մյուսը՝ Ռամենսկոեում գտնվող բազմահարկ շենքին։
Անցած գիշեր հակաօդային պաշտպանության համակարգերը խոցել են ուկրաինական 337 անօդաչու թռչող սարք, որոնցից 91-ը Մոսկվայի շրջանի երկնքում, հայտնում է ՌԴ ՊՆ-ն։
Նաև, ըստ գերատեսչության, անօդաչու սարքեր են խոցվել Կուրսկի (126), Բրյանսկի (38), Բելգորոդի (25), Ռյազանի (22), Կալուգայի (10), Լիպեցկի (8), Օրյոլի (8), Վորոնեժի (6) և Նիժնի Նովգորոդի (3) շրջաններում։
Ռուսական իշխանությունները հայտնում են նաև Տուլայի և Ռյազանի շրջաններում անօդաչու թռչող սարքերի կործանման մասին:
Սոբյանինի խոսքով՝փոխանցմամբ՝ հարձակման և բեկորների ընկնելու հետևանքով մի քանի վայրում վնաս է գրանցվել։
Մասնավորապես, նրանց տվյալներով, անօդաչու թռչող սարքի բեկորները հարվածել են Մոսկվայի Դոմոդեդովսկայա փողոցի բազմահարկ շենքին, Դոմոդեդովո երկաթուղային կայարանի տարածքում, Դոմոդեդովո քաղաքի ավտոկայանատեղին, Վիդնոյե քաղաքի բնակելի շենքերին, ինչպես նաև Ռամենսկին:
Մոսկվայի մարզի Լենինսկի քաղաքային թաղամասում ուկրաինական անօդաչու թռչող սարքերի հարձակման հետևանքով մեկ մարդ է զոհվել, երեքը՝ վիրավորվել, հայտնել է շրջանի նահանգապետ Անդրեյ Վորոբյովը։
«Ինչպես նաև, անօդաչու թռչող սարքի բեկորներ են ընկել Ռամենսկոեում բնակելի շենքի վրա, որտեղ վնասվել է առնվազն յոթ բնակարան՝ Սեվերնոյե Շոսսեի շենքի 19-ից 22-րդ հարկերից: Նրանցից 12 մարդ տարհանվել է, այդ թվում՝ երեք երեխա։ Բժիշկները տուժածներին տեղում օգնություն են ցուցաբերել։ Տարհանվածների մի մասին տեղավորել են մոտակա դպրոցում, մնացածներն այժմ բնակվում են հարազատների մոտ»,- գրել է նաիր ալիքում:
Վորոբյովի խոսքով՝ ընդհանուր առմամբ խոցվել է ավելի քան 60 անօդաչու թռչող սարք։
«ԱԹՍ-ների մասին զանգեր են հնչել Կոլոմնայից, Զարայսկից, Սերեբրյանյե Պրուդիից, Սերպուխովից, Ռամենսկից, Ոսկրեսենսկից, Լուխովիցիից, Բրոնիցիից, Դոմոդեդովոյից, Լենինսկոյից, Պոդոլսկից, Էլեկտրոստալից և Կոտելնիկիից», – հավելել է նահանգապետը։
Վորոբյովը հրապարակել է նաև հարձակումների հետևանքները հավաստող լուսանկարներ։
«Հայկական Ժամանակ»-ը Telegram-ում
Տպել
333 դիտում