«Այնքան բան կա, որ կարող եմ ասել՝ ինչու է ինձ համար թանկ ու առանձնահատուկ այս նախագիծը։ Եվ պատահական չէ, որ ալբոմի շնորհանդես-համերգը որոշեցինք անել հենց այն ստուդիայում, որտեղ կյանք առավ ձայնասկավառակը»։
«JazzԶառա» կոչվող ալբոմը սիրո, Երևանի ու երևանցու մասին է։ Ալբոմում ներառված երգերի մի մասի մեղեդիները ունկնդրին ծանոթ են, իսկ որոշ ստեղծագործություններ գրվել են հենց այս նախագծի համար։ Նախագծի գաղափարն առաջացել է 2019-ին, աշխատանքները սկսել են 2023-ից։