ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի՝ ապրիլի 8-ին հրավիրած նիստում Հեռուստատեսության եւ ռադիոյի հանձնաժողովի նախագահ Տիգրան Հակոբյանը ներկայացրել է Հեռուստատեսության եւ ռադիոյի հանձնաժողովի 2024 թվականի գործունեության եւ տեսալսողական մեդիայի ոլորտում տեղեկատվության ազատության վիճակի մասին տարեկան հաղորդումը:
Զեկուցողն անդրադարձել է այն խնդիրներին, որոնք առկա են տեսալսողական մեդիայում եւ ընդգծել, որ մեդիաոլորտը կարգավորող օրենսդրական փոփոխությունների կարիք կա:
Այս համատեքստում Տիգրան Հակոբյանը նշել է, որ ինչպես ամբողջ աշխարհում, այնպես էլ Հայաստանում բնակչության մեծ մասը տեղեկատվությունը ստանում է համացանցի միջոցով: Իսկ համացանցում գործող մի քանի տասնյակ հեռուստանման հեռարձակողներ կան, որոնք կարգավորումից դուրս են: «Այն սպառնալիքները, որոնք մենք ունենք՝ կապված տեղեկատվական անվտանգության, լեզվական, երեխաների վրա ազդեցության եւ ապատեղեկատվության հետ, գեներացվում է համացանցում»,- ասել է նա:
.jpg)
Անդրադառնալով հաճախ հնչող ատելության խոսքին՝ ՀՌՀ նախագահը նշել է, որ անգամ չկա դրա սահանումը, ինչն էլ, բնականաբար, դժվարացնում է պայքարը դրա դեմ:
Կարեւորվել է նաեւ օտարերկրյա հեռուստաընկերությունների հեռուստածրագրերի հեռարձակման սահմանափակումը: Տիգրան Հակոբյանը նշել է, որ հանրային մուլտիպլեքսում օտար հեռարձակող չպետք է լինի:
ՀՌՀ նախագահը պատասխանել է պատգամավորների հարցերին:
Հանձնաժողովն ի գիտություն է ընդունել Հեռուստատեսության եւ ռադիոյի հանձնաժողովի 2024 թվականի գործունեության մասին տարեկան հաղորդումը:
«Հայկական Ժամանակ»-ը Telegram-ում
Տպել
170 դիտում