Ուկրաինայի նախագահ Վլադիմիր Զելենսկիի խոսքով՝ Ուկրաինան հաջորդ տարվա համար ֆինանսապես ապահով է, բայց բավականաչափ ուժեղ չէ որևէ դիվանագիտական քայլի համար։
Զելենսկիի հայտարարությունը Բրյուսելում լրագրողներին մեջբերել է «Ինտերֆաքս-Ուկրաինա»-ն:
Նախագահը նշել է, որ գործընկերները կարևոր քայլեր են ձեռնարկել ուկրաինական տնտեսության ամրապնդման ուղղությամբ՝ հիշեցնելով «Ուկրաինայի հիմնադրամ» ծրագիրը, ինչպես նաև, որ Միացյալ Նահանգները 20 միլիարդ դոլար է փոխանցել Համաշխարհային բանկ Ուկրաինայի համար։
Խոսելով պատերազմի ընթացքի մասին՝ Զելենսկին ասել է. «Անկեղծ ասած՝ ես չեմ հավատում, որ Պուտինը ցանկանում է, որ պատերազմը ավարտվի: Ամեն դեպքում, մեր կողմից մենք կանենք ամեն ինչ այս պատերազմը մեզ համար արդար ավարտելու համար: Բայց այս պատերազմն Ուկրաինայի հաշվին արագ ավարտել չի ստացվի։ Մենք պարզապես այդպես մեր անկախությունը չենք զիջի»:
Զելենսկին հավելել է, որ Ուկրաինան դեռ ուժ չունի Ղրիմը և Դոնբասի մի մասը հետ բերելու համար, որը Ռուսաստանը «ֆիզիկապես» վերահսկում է, բայց Արևմուտքը կարող է ազդել Ռուսաստանի առաջնորդ Վլադիմիր Պուտինի վրա՝ ստիպելու նրան նստել բանակցությունների սեղանի շուրջ։
Նոյեմբերին Զելենսկին ասել էր, որ Ուկրաինան չի կարող կորցնել տասնյակ հազարավոր մարդկանց՝ Ղրիմը վերադարձնելու համար, այն կարող է վերադարձվել միայն դիվանագիտական ճանապարհով։
«Հայկական Ժամանակ»-ը Telegram-ում
Տպել
482 դիտում