ԻՔՄ համակարգող Դանիել Իոաննիսյանը ֆեյսբուքյան իր էջում գրել է․
Ինչ կասեն ոմանց «սրտի իրավապաշտպանները».
– Վերջ, այլևս փողոցում թաղապետ տեսնելուց փախեք, հասնելու է ծեծի
– Աչք փակենք այլ ապօրինությունների վրա, միմիայն դատապարտենք ծեծելը (ցանկալի է դատապարտել հայհոյելով)
– Թալանված միջոցներով գործող որոշ ընդդիմադիր խմբերի գործունեությունը պետք է պաշտպանվի այնքան երկար, քանի դեռ այդ խմբերը իշխանության գալով չեն արգելել քննադատությունը
– Բոլորն ունեն պաշտոնյաներին անպատասխան վիրավորելու իրավունք։
Ինչ եմ ասում ես.
– Բռնությունը խիստ դատապարտելի է, խաղահրապարակի որակը պետք է հսկվի/ստուգվի, բլոգերին պետք է պատասխանել խոսքով, ծախված բլոգերին պետք է բերել օրինական ֆինանսավորման դաշտ։
Հ.Գ. Ժողովրդավարությունը սուպերմարկետ չի, որ ինչը ուզես` վերցնես, ինչը չուզես` չվերցնես։ Բռնությանը դեմ լինելու հետ միասին պետք է դեմ լինես նաև թալանված փողերով քաղաքական գործունեությանը։ Դրանք իրարից անկախ չեն։
Հ.Հ.Գ. Բռնության և խաղահրապարակի ենթադրյալ անորակության դեպքերով հանցագործության մասին հաղորդումն այսօր կուղարկենք դատախազություն։