Ապրիլի 26-27-ը, հանրապետության տարբեր մարզերից 70 տաղանդավոր աշակերտներ հավաքվել էին Ծաղկաձորում՝ մրցելու։
«Քառակուսի» հիմնադրամը և Կապանի մաթեմատիկայի խմբակը 5-րդ և 6-րդ դասարանների շնորհալի երեխաներին ինքնադրսևորվելու հնարավորություն ընձեռեցին․ առաջին օրը կազմակերպվեցին խաղեր և վիկտորինաներ, որոնցում հաղթահարելու համար պետք էր դրսևորել մտքի սրություն և համառություն։ Երկրորդ օրը երեխաները մասնակցեցին մաթեմատիկայի մրցույթին՝ ցուցադրելով իրենց գիտելիքները և բարդ խնդիրներ լուծելու հմտությունները։ Մրցույթները կայացան Ծաղկաձորի միջնակարգ դպրոցում։
«Այսպիսի հասարակական նախաձեռնությունները չափազանց կարևոր են. դրանք հնարավորություն են տալիս երեխաներին զարգացնել իրենց մտավոր կարողությունները, բարձրացնել վստահությունը սեփական ուժերի նկատմամբ և սերմանել սեր դեպի գիտելիքը»,-կարծում են կազմակերպիչները։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: