«Քրեմլինի մէջ Հայաստանի հետ յարաբերութիւնները այսուհետեւ պիտի համակարգէ Ռուսիոյ նախագահի աշխատակազմի ղեկավարի տեղակալ Սերկէյ Քիրիենքոն», երէկ գրած է մոսկովեան «Վետոմոսթի» օրաթերթը` վկայակոչելով սեփական աղբիւրները:
Օրաթերթի տեղեկութիւններով` նախապէս հայաստանեան ուղղութեան համար պատասխանատու էր նախագահի աշխատակազմի ղեկավարի մէկ այլ տեղակալ` Տմիթրի Քոզաքը:
«Հայաստանի հարցին մէջ Քիրիենքոն եւ աշխատակազմի` անոր ենթակայ ներքաղաքական պլոքը առայժմ ոչ թէ նախընտրական, այլ տեղեկատուական աշխատանք պիտի կատարեն», կը գրէ օրաթերթը:
«Հայաստանի ղեկավարութիւնը աշխուժօրէն կը շարժի դէպի Արեւմուտք, ինչ որ Ռուսիոյ պետական քաղաքականութեան տեսանկիւնէն անընդունելի է», նշած է «Վետոմոսթի»-ի զրուցակիցներէն մէկը: