ԱՄՆ-ը չի հրաժարվում ուկրաինական հակամարտության կարգավորման իր միջնորդական ջանքերից։ Այս մասին հայտարարել է Ուկրաինայում ԱՄՆ նախագահ Դոնալդ Թրամփի հատուկ բանագնաց Քիթ Քելլոգը։
«Չեմ կարծում»,-ասել է նա Fox News-ին տված հարցազրույցում՝ ի պատասխան հարցի։
Ավելի վաղ բրիտանական Financial Times թերթը հայտնել էր, որ Կիևը և նրա եվրոպացի դաշնակիցները վախենում են, որ Վաշինգտոնը կարող է դուրս գալ Ուկրաինայի հակամարտության խաղաղ կարգավորման բանակցություններից արդեն այս շաբաթ։ Եվրոպական երկրներից մեկի կառավարական շրջանակներում հրատարակության աղբյուրի համաձայն՝ Թրամփը «պատրաստում է մի իրավիճակ, երբ նա հետ քաշվելու պատրվակ կունենա»։
Ապրիլի 24-ին Թրամփը լրագրողներին ասել է, որ այն հարցը, թե արդյոք Միացյալ Նահանգները կարող է դադարեցնել Ուկրաինայում կարգավորմանը նպաստելու, ինչպես նաև Կիևին ռազմական օգնություն տրամադրելու փորձերը, կարող է բարձրացվել երկու շաբաթից:
Միաժամանակ, նա հույս է հայտնել, որ գործարքը դեռ կկնքվի։