ԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգը հայտարարել է, որ անցյալ շաբաթ Լոնդոնում Մեծ Բրիտանիայի, Ֆրանսիայի և Գերմանիայի մասնակցությամբ կայացած բանակցություններում Վաշինգտոնը և Կիևը համաձայնության են եկել ուկրաինական հակամարտության կարգավորման 22 կոնկրետ պայմանների շուրջ։
«Մենք ուկրաինացիների հետ անկեղծ և դժվարին քննարկումների ընթացքում առաջարկել ենք 22 շատ կոնկրետ պայմաններ, և մենք կարծում ենք, որ գտնվում ենք շատ, շատ ամուր դիրքում», – ասել է նա Fox News-ի եթերում։
Քելլոգը խոստովանել է, որ ուկրաինացի պաշտոնյաներին «դրանցից բոլորը չէ, որ դուր են եկել»։
Մասնավորապես, Դոնալդ Թրամփի հատուկ ներկայացուցիչը պարզաբանել է, որ Ուկրաինան համաձայնել է տարածքային զիջումների, բայց «ոչ թե դե յուրե, մշտական հիմունքներով, այլ դե ֆակտո»՝ համաձայն ներկայիս իրավիճակի և ռազմական գործողությունների իրական քարտեզի։