Իսրայելում անտառային խոշոր հրդեհների հետևանքով 17 հրշեջ է վիրավորվել։
Այս մասին հայտնել է Times of Israel-ը՝ հղում անելով հրշեջ-փրկարարական ծառայությանը։
Նրանցից երկուսը տեղափոխվել են հիվանդանոցներ։
«Այս փուլում մեզ դեռևս չի հաջողվել հրդեհը վերահսկողության տակ վերցնել։ Ավելի քան 150 հրշեջ ջոկատ դեռևս աշխատում է հրդեհները մարելու ուղղությամբ», – ասվում է ծառայության հայտարարության մեջ։
Ավելի վաղ հաղորդվել էր, որ եղանակային պայմանների և անտառային հրդեհների պատճառով Անկախության օրվա պատվին միջոցառումները չեղարկվել են բազմաթիվ քաղաքներում։