ԱՄՆ նախագահի Մերձավոր Արևելքի հարցերով հատուկ ներկայացուցիչ Սթիվ Ուիթքոֆը բանակցություններ է վարում Դոնալդ Թրամփի անունից՝ Ուկրաինայում պատերազմը դադարեցնելու համար, և բարձր մակարդակի հանդիպումներին մասնակցում է միայնակ, երբեմն նույնիսկ դիմելով Կրեմլի թարգմանիչների օգնությանը, ինչը խախտում է վաղուց հաստատված դիվանագիտական ընթացակարգերը, չորեքշաբթի՝ ապրիլի 30-ին, գրել է The New York Post–ը՝ հղում անելով աղբյուրներին, նաև նշելով, որ բանակցությունների այս ոճը դժգոհություն է առաջացնում Թրամփի վարչակազմի մի շարք ներկայացուցիչների և դիտորդների շրջանում։
«Պուտինի հետ նման բանակցությունների մեջ ներգրավված յուրաքանչյուր ոք լավ կանի, որ իր թիմում ունենա փորձառու փորձագետներ և նրանք լինեն Կրեմլի հանդիպումներին», — լրատվամիջոցը մեջբերել է Ժողովրդավարության պաշտպանության հիմնադրամի Ռուսաստանի ծրագրի տնօրեն Ջոն Հարդիի խոսքերը։
Ըստ NYP-ի՝ ԱՄՆ վարչակազմի որոշ պաշտոնյաներ Ուիթքոֆի վերջին ուղևորությունների մասին խոսել են բացառապես բացասական լույսի ներքո։
Ավելի վաղ Ռուսաստանի նախագահի օգնական Յուրի Ուշակովը հայտնել էր, որ Պուտինը Կրեմլում ընդունել է Ուիթքոֆին։ Նրա խոսքով՝ 3 ժամ տևած զրույցը «կառուցողական և շատ օգտակար բնույթ էր կրում»։