Ճապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։
«Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։
Տղամարդը ձերբակալվել է սպանության փորձի կասկածանքով։
Ավելի վաղ NHK-ն հայտնել էր, որ մեքենան վրաերթի է ենթարկել երեխաների խմբի, երբ նրանք դուրս էին գալիս դպրոցից։ Յոթ մարդ ստացել է տարբեր աստիճանի ծանրության վնասվածքներ։ Նրանք բոլորը գիտակից են։