«2024 թվականի արդյունքներով՝ Զանգեզուրի պղնձամոլիբդենային կոմբինատն ունեցել է իրացումների նվազում 2023 թվականի համեմատությամբ: Այդ պատճառով 2025 թվականի վճարման ենթակա ռոյալթին նվազել է»:
Այս մասին Ազգային ժողովում 2024-ի պետբյուջեի կատարողականի նախնական քննարկումների ժամանակ հայտնել է ՊԵԿ նախագահ Էդուարդ Հակոբյանը՝ անդրադառնալով դիտարկմանը, թե չի եղել դեպք, որ Զանգեզուրի պղնձամոլիբդենային կոմբինատը 1000 խոշոր հարկ վճարողների ցանկում ընդգրկված չլինի, մինչդեռ 2025-ի ցանկում բացակայում է:
ՊԵԿ նախագահը պարզաբանել է՝ խնդիրն այն է, որ կոմբինատի կողմից նախորդիվ վճարման ենթակա հարկից ավելի հարկ է վճարվել պետբյուջե:
«Քանի որ 2024 թվականին վճարվել էր ավելի մեծ կանխավճար, դրա մասն առաջին եռամսյակում վերադարձվել է: Այսինքն՝ ավելի շատ է վճարել կանխավճար, առաջին մասը վերադարձվել է: Խոսքը մոտավորապես 22-23 միլիարդի մասին է, որ մեկանգամյա գործարքի արդյունքում վերադարձվել է: Այս 22-23 միլիարդի վերադարձի պատճառով Զանգեզուրի պղնձամոլիբդենային կոմբինատը միանգամից դուրս է եկել 1000 խոշոր հարկ վճարողների ցանկից:
Բայց դա դեռևս չի նշանակում, որ հաջորդ եռամսյակին Զանգեզուրի պղնձամոլիբդենային կոմբինատը չի հայտնվելու 1000 խոշոր հարկ վճարողների ցանկում»,- մանրամասնել է Հակոբյանը:
«Հայկական Ժամանակ»-ը Telegram-ում
Տպել
185 դիտում