Երևանի մոլերից մեկի կանանց զուգարանում տղամարդ է թաքնված եղել․ ՆԳՆ–ն մեկնաբանել է միջադեպը

ԵՐԵՎԱՆ, 9 հունիսի․/Նովոստի–Արմենիա/․ Oրերս «Դալմա մոլում» սկանդալային միջադեպ է տեղի ունեցել։

Hraparak.am–ի հաղորդմամբ, կանանց զուգարանի խցիկներից մեկում տղամարդ է թաքնված եղել։

Ինչպես հայտնում է աղբյուրը, վկայակոչելով իր զրուցակցին, կանայք նկատել են, ահազանգել և մոլի անվտանգության աշխատակիցներին հանձնել նրան։

Այս միջադեպը «Նովոստի–Արմենիա»–ին մեկնաբանեց ՆԳ նախարարի մամուլի քարտուղար Նարեկ Սարգսյանը։

«Հունիսի 7–ին ժամը 19։30–ի սահմաններում ստացվել է նման բովանդակությամբ ահազանգ։ Ահազանգով ոստիկանները մեկնել են նշված վայր, տղամարդուն ձերբակալել և փոխանցել են Քննչական կոմիտե», – ասաց Սարգսյանը։