Նոր Ջեյմս Բոնդի դերը մարմնավորելու մասին լուրերը շրջանառվում են դեռ Դանիել Քրեյգի հեռանալուց հետո։ Մայիսին հաղորդվել էր, որ Աարոն Թեյլոր-Ջոնսոնը կխաղա կուլտային դերը։ Սակայն այժմ, ինչպես հաղորդում է Variety-ն, ստուդիայի ծրագրերը փոխվել են։
Ըստ ներքին աղբյուրների՝ Amazon-ը և պրոդյուսերները ցանկանում են գլխավոր դերում տեսնել 30 տարեկանից փոքր երիտասարդ բրիտանացու։ Ֆավորիտների ցանկում են Ջեյքոբ Էլորդին, Թոմ Հոլանդը և Հարիս Դիքինսոնը։ Այն փաստը, որ Էլորդին ավստրալիացի է, խնդիր չի համարվում։
Ինչ վերաբերում է ավելի տարիքով թեկնածուներին, ինչպիսիք են Աարոն Թեյլոր-Ջոնսոնը և Հենրի Քևիլը (նրանք համապատասխանաբար 35 և 42 տարեկան են), ինչպես նաև Իդրիս Էլբան, նրանք, ամենայն հավանականությամբ, չեն համապատասխանում նոր կոնցեպտի պահանջներին։ Չնայած նրանց անունները մամուլում մեկից ավելի անգամ հայտնվել են, ստուդիան խաղադրույք է կատարում ավելի երիտասարդ դեմքի վրա։
Հիշեցնենք, որ ներքին տեղեկությունների համաձայն՝ Amazon-ը պաշտոնապես հաստատել է ֆրանս-կանադացի ռեժիսոր Դենի Վիլնյովին (Դյուն) որպես հետախույզի մասին 26-րդ ֆիլմի ռեժիսոր։ Վերջին ռեժիսորը, որը անընդմեջ նկարահանել է երկու Բոնդի ֆիլմ, Սեմ Մենդեսն էր։
