Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի միջև հեռախոսազրույց այս պահին նախատեսված չէ։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Պուտինի և Ալիևի միջև զրույցը ներկայումս օրակարգում չկա, բայց անհրաժեշտության դեպքում այն կկայանա հնարավորինս շուտ», – նշել է նա։
Պեսկովը, մեկնաբանելով Եկատերինբուրգում տեղի ունեցած իրադարձությունները, նաև հայտարարել է, որ Մոսկվան հետաքրքրված է Բաքվի հետ լավ հարաբերություններ զարգացնելով։
Նրա խոսքով՝ Կրեմլն ափսոսում է Ադրբեջանի իշխանությունների կողմից Ռուսաստանի հետ հարաբերությունների վերաբերյալ կայացված որոշումների համար։
Պեսկովը հավելել է, որ իրավապահ մարմինների աշխատանքը չպետք է դեմարշների պատճառ դառնա։