Մոսկվայում Ադրբեջանի դեսպան Ռահման Մուստաֆաևը կանչվել է Ռուսաստանի արտաքին գործերի նախարարություն, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Բաքվի ոչ բարեկամական գործողությունների և ռուս լրագրողների անօրինական կալանքի հետ կապված, որոնց դեմ ադրբեջանական իշխանությունները այս բոլոր տարիներին որևէ բողոք չեն ունեցել, Ադրբեջանի Հանրապետության դեսպանը կանչվել է Արտաքին գործերի նախարարություն», – երկուշաբթի օրը լրագրողներին ասել է Զախարովան։
Ավելի վաղ Զախարովան հայտարարել էր, որ Մոսկվան մտահոգված է Ադրբեջանում ռուս լրագրողների շուրջ ստեղծված իրավիճակով։
Իսկ Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը հետաքրքրված է Ադրբեջանի հետ լավ հարաբերություններ զարգացնելով, սակայն ափսոսում է Բաքվի կողմից կայացված որոշումների համար։
«Մենք ակնկալում ենք, որ նման պարզություն կհայտնվի մոտ ապագայում», – ասել է նա։
Բացի այդ, Պեսկովը նաև ասել է, որ Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի միջև զրույցը օրակարգում չէ, բայց, մյուս կողմից,հավելել եթե դրա կարիքը լինի, այն կկայանա հնարավորինս շուտ։