Իրանի արտաքին գործոց նախարարութիւնը յայտնեց, որ կարելի չէ վստահիլ Միացեալ Նահանգներու դիրքորոշումներու իրերայաջորդ փոփոխութիւններուն, որոնք վերածուած են անոր վարքագիծի անփոփոխ օրինաչափութեան` շեշտելով. «Կարելի չէ վստահիլ այս փոփոխութիւններուն, որոնք անկայուն եւ ոչ հաւաստի են»:
Իրանի արտաքին գործոց նախարարութիւնը ըսաւ, որ Գերմանիոյ եւ Ֆրանսայի Իրանի վրայ իսրայէլեան յարձակումին նկատմամբ որդեգրած դիրքորոշումը «կտրականապէս անընդունելի է»:
Նախարարութիւնը նշեց, որ այդ յարձակումը «որեւէ պատրուակի վրայ հիմնուած չէ», եւ Թեհրան սկսաւ ՄԱԿ-ի եւ Ապահովութեան խորհուրդին մէջ իրաւական հոլովոյթին` «այս ցեղապաշտ գոյացութիւնը» հաշուետուութեան ենթարկելու համար:
Իրանի արտաքին գործոց նախարարութիւնը նաեւ շեշտեց, թէ միջազգային հաստատութիւններէն, նախ եւ առաջ ՄԱԿ-էն գլխաւոր պահանջուածը նախայարձակի ինքնութիւնը պաշտօնապէս ճշդելն է` զայն իրաւական եւ քաղաքական ամբողջական պատասխանատու նկատելու ջանքի ծիրին մէջ: