Ես պարբերաբար գրություններ եմ ուղարկում Տարածքային կառավարման նախարարություն և պահանջում մեկ հարցի պատասխան՝ Վարդենիսի 36 գյուղերում, ե՞րբ կլինի տրանսպորտ: Այս մասին հայտարարել է ԱԺ պատգամավոր Թագուհի Թովմասյանը:
«2019 թվականից ասում են, որ տարվում են աշխատանքներ, կհայտարարվի մրցույթ, կգտնվեն ռեսուրսներ, բայց այդ հարցը այդպես էլ չի լուծվում: Մայրաքաղաքից դուրս մարդիկ են ապրում»,- ասել է պատգամավորը:
Ի պատասխան պատգամավորի հարցին նախարարի տեղակալը Արմեն Սիմոնյան նշել է, որ Գեղարքունիքի մարզում մրցույթներ հայտարարվել են, սակայն հաղթող կազմակերպությունը չի ներկայացրել իր բոլոր հետևանքները:
«Ես արձանագրեցի, որ 7 տարի այդ հարցը չի լուծվել առաջիկա 7 տարում չի էլ լուծվի»,- հավելել է պատգամավոր Թագուհի Թովմասյանը:
Ազգային ժողովի նախագահ Ալեն Սիմոնյանն էլ հավելեց․
«Ճիշտ է ասում մինչև 2019 թվական չի եղել, նշանակում է մինչև 2029 թվական պետք է չլինի։ Կխնդրեմ գրավոր ներկայացնել, թե երբ է այդ հարցը լուծվելու, ովքեր են մեղավորներն ու պատասխանտուները»,- ասել է ԱԺ նախագահը։
Մանրամասերը՝ տեսանյութում: