Հայ ծանրորդ Անդրանիկ Կարապետյանը այսուհետև կներկայացնի Բոսնիա և Հերցեգովինան, հաղորդում է այդ երկրի ծանրամարտի ֆեդերացիան:
Կարապետյանը «Ժելեզնիչար» ակումբի և ազգային ֆեդերացիայի անդամ է։
Կարապետյանը Հայաստանի հավաքականի կազմում մասնակցել էր 2016 թվականի Ռիոյի և 2024-ի Փարիզի Օլիմպիական խաղերին: 29-ամյա մարզիկը 2016 թվականին 77 կգ քաշային կարգում դարձել էր Եվրոպայի չեմպիոն:
2023 թվականին Երևանում կայացած Եվրոպայի առաջնությունում 89 կգ քաշային կարգում Կարապետյանը փոխչեմպիոն էր դարձել:
Կարապետյանը բոսնիացիների կազմում հոկտեմբերին Նորվեգիայում կայանալիք աշխարհի առաջնության նախնական հայտում է:
