Սաուդյան Արաբիայում անցկացվող արագ շախմատի Esports World Cup մրցաշարի քառորդ եզրափակչում Հայաստանի հավաքականի նախկին առաջատար Լևոն Արոնյանը (ԱՄՆ) մրցեց ամերիկացի Հիկարու Նակամուրայի հետ և չորս պարտիայում պարտվեց 1,5:2,5 հաշվով։ Վերջին պարտիայում Նակամուրան առավելության հասավ սպիտակ ֆիգուրներով։
Աշխարհի 16-րդ չեմպիոն, համաշխարհային դասակարգման առաջատար, նորվեգացի Մագնուս Կարլսենը երեք պարտիայում 2,5:0,5 հաշվով հաղթեց հնդիկ Նիհալ Սարինին։
Կիսաեզրափակչում Մագնուս Կարլսենի մրցակիցը կլինի Հիկարու Նակամուրան։
Ֆրանսիայի ներկայացուցիչ Ալիռեզա Ֆիրուջան երեք պարտիայում 2:1 հաշվով ուժեղ էր ուզբեկ Նոդիրբեկ Աբդուսատորովից։
Կիսաեզրափակչում Ֆիրուջայի մրցակիցը կլինի հնդիկ Արջուն Էրիգայիսին, որը չորս պարտիայում 2,5:1,5 հաշվով հաղթեց ռուսաստանցի Յան Նեպոմնյաշչուն։
Esports World Cup-ի մրցանակային հիմնադրամը 1,5 միլիոն դոլար է։