Իսրայելը հայտարարել է, որ հինգշաբթի հարվածել է Լիբանանում հրթիռներ արտադրելու և պահելու համար օգտագործվող «Հըզբոլլահ»-ի օբյեկտներին, որտեղ Իսրայելը բազմաթիվ հարվածներ է հասցրել՝ ի հեճուկս նոյեմբերին սահմանված հրադադարի, հաղորդում է Ֆրանսպրես գործակալությունը։
Պաշտպանության նախարար Իսրայել Կացը հայտարարել է, որ թիրախների թվում է եղել «Հըզբոլլահ»-ի ճշգրիտ հրթիռների խոշորագույն գործարանը, իսկ զինվորականները հայտարարել են, որ հարվածը թիրախավորել է «ռազմավարական զենքի արտադրության և պահպանման համար օգտագործվող ենթակառուցվածքները» Լիբանանի հարավում և Բեքաա հովտի արևելքում։
«Ահաբեկչական կազմակերպության կողմից իրեն վերականգնելու կամ դրան սպառնալու ցանկացած փորձ կհանդիպի անողոք վճռականության»,- խոստացել է նա։ Լիբանանի պետական NNA լրատվական գործակալությունը նույնպես հաղորդել է Բեքաայում և երկրի հարավում հասցված հարվածների մասին:
Ե՛վ Կացը, և՛ իսրայելական զինվորականները «Հեզբոլլահին» մեղադրել են իր ռազմական ենթակառուցվածքները վերականգնելու փորձերի մեջ և պահանջել, որ լիբանանյան բանակը սկսի զինաթափել շարժումը։
Ավելի վաղ Լիբանանի նախագահ Ջոզեֆ Աունը հայտարարել էր, որ «Հըզբոլլահ»-ը պետք է վայր դնի զենքերը։
Պաշտպանության նախարար Իսրայել Կացը հայտարարել է, որ թիրախների թվում է եղել «Հըզբոլլահ»-ի ճշգրիտ հրթիռների խոշորագույն գործարանը, իսկ զինվորականները հայտարարել են, որ հարվածը թիրախավորել է «ռազմավարական զենքի արտադրության և պահպանման համար օգտագործվող ենթակառուցվածքները» Լիբանանի հարավում և Բեքաա հովտի արևելքում։
«Ահաբեկչական կազմակերպության կողմից իրեն վերականգնելու կամ դրան սպառնալու ցանկացած փորձ կհանդիպի անողոք վճռականության»,- խոստացել է նա։ Լիբանանի պետական NNA լրատվական գործակալությունը նույնպես հաղորդել է Բեքաայում և երկրի հարավում հասցված հարվածների մասին:
Ե՛վ Կացը, և՛ իսրայելական զինվորականները «Հեզբոլլահին» մեղադրել են իր ռազմական ենթակառուցվածքները վերականգնելու փորձերի մեջ և պահանջել, որ լիբանանյան բանակը սկսի զինաթափել շարժումը։
Ավելի վաղ Լիբանանի նախագահ Ջոզեֆ Աունը հայտարարել էր, որ «Հըզբոլլահ»-ը պետք է վայր դնի զենքերը։