Ազրպէյճանի նախագահ Իլհամ Ալիեւի օգնական, աշխատակազմի արտաքին քաղաքականութեան բաժանմունքի ղեկավար Հիքմեթ Հաճիեւի եւ Ազրպէյճանի մէջ Ուքրանիոյ դեսպան Եուրի Կուսեւի միջեւ հանդիպում տեղի ունեցած է: Այս մասին «Էքս»-ի վրայ յայտնած է դեսպանը:
«Մենք արդիւնաւէտ հանդիպում ունեցանք Ազրպէյճանի նախագահի օգնական Հիքմեթ Հաճիեւի հետ: Մենք քննարկեցինք մեր երկիրներուն միջեւ ռազմավարական համագործակցութեան խորացման ուղիները: Ես շնորհակալ եմ Ազրպէյճանին` Ուքրանիոյ նկատմամբ ցուցաբերած համերաշխութեան եւ մնայուն աջակցութեան համար», նշած է դիւանագէտը: